[1994] 鄒靜．九四．上 (不想再假裝 / 鍾情他香氣)

3.22阿靜生日快樂! 好開心又可以趁阿靜生日講吓佢人生比較重要嘅一頁，就係派新歌出新碟啦! 記得上年有報道話阿靜作為新人，第一步已成功確立夏日少女形象，但要站穩陣腳嘅話，第二步必須增強自身實力，唔知咁啱定咁橋，阿靜94年好似忽然開竅咁，歌路同唱功都進步神速，幾首派台歌都予人感覺深情成熟，而喺眾多主打入面，成績最突出嘅一定係 不想再假裝，淨係睇個歌名就感受到阿靜憑歌寄意表露真我嘅決心。

今次阿靜嘅唱腔同第一隻碟比已經好唔同，之前可能第一次又要扮玉女又比較緊張，所以好多時都好似勒住唱咁，咬字、音準、尾音等都比較拘謹，而今次 不想再假裝 本身已經夠晒高難度，高音得嚟好多位都要好夠氣咁嗌同拉長，相信監製都有少少刻意喺呢啲位度要阿靜扮阿菲唱歌，仲要想搵個和音墊吓底都無，擺明要大家聽清楚阿靜把聲，而阿靜自己亦好明顯放膽咗去唱，聲音不但比之前響亮，感情亦隨之投放較多，當然一份用心填嘅歌詞亦令成件事加分，講堅強冷傲嘅面具背後渴望被睇穿被愛，角度寫得細膩而真摰 (下篇會講，可惜唱片包裝問題好難搵到歌詞同CREDIT)。

至於電視MV如圖所見，情歌畫面梗係要BLUE啲啦，場地亦特登揀咗間廢置嘅空屋拍攝，兩個一貫眈天望地擺吓傷感甫士咁，阿靜今次嘅打歌服係白恤衫+牛仔褲+布鞋，配合埋呢個新剪嘅中長度髮型，好明顯真係 '不想再假裝'，想一洗夏日性感風做返一個比較爽直自然嘅自己，搵啱歌路，MV亦正路，所以今次 不想再假裝 都同上年 我愛夏日長 一樣順利成為季選候選歌，成績算有交代啦!

一如以往，派歌梗係要上吓音樂節目宣傳吓啦，呢日阿靜就著住打歌服現身 <翡翠音樂幹線>，同場仲有兩位'94猛人：展昭何家勁同不扣鈕嘅李麗珍，再搭新人區紹偉一齊吹吓暑假有咩難忘趣事，下面 <勁歌金曲> 仲勁，同三大天王 + 關淑怡 + 卿卿 + 松松 + 鄭嘉穎一齊開間 '勁歌游泳俱樂部' 玩返晚，陣容已達半個季選嘅程度 (已不復再...... 太懷念......)。

而另一首主打 鍾情他香氣 同樣係水準之作，曲風偏向古裝 (其實好適合做阿靜之後嘅電視劇 <白髮魔女傳> 嘅插曲)，編曲亦好特別，感覺好似坐喺迴旋木馬/萬花筒入面，好容易就投入到情緒，歌詞亦同 不想再假裝 一樣成熟咗，講自己因為一段三角苦戀而變得心事重重。

下面嘅雜誌專訪有阿靜親自介紹 鍾情他香氣 嘅收歌過程、錄音趣事同歌名爭議，其實我自己就覺得 '鍾情她香氣' 比較貼近歌詞原意，如果硬要話係工作人員出錯又似乎有啲刻意，就算改亦都唔使標明 '他' 一定係指男人...... 不過都明嘅，大家都係想度個GIMMICK引人聽首歌啫，不過入面話阿靜拍過兩次拖同嗰時無拍拖我就有啲保留啦哈哈。

唱歌唱出淚　篤信世界上冇好男人　唱同性戀歌有人犯錯　鄒靜每月有幾日情緒突然低落

鄒靜將在七月推出第二張個人唱片，可能因為隔了一年才再出唱片，她的心情顯然戰戰兢兢，故希望公司在宣傳上幫到她。

最近偶爾在她送上電台播放的主打歌「鍾情她香氣」的歌詞中，發覺詞中所寫的是兩個女性之間的戀情，亦即是同性戀歌曲，後來又據聞，她在灌錄這歌之時因情緒太過激動又流下淚來，令得灌錄工作延遲了兩天才順利進行，為何一首講同性戀的歌曲會令鄒靜有如此多的傷感，莫非......?


不怕解釋

記者約了她出來訪問，要面對面問清楚這問題。

鄒靜坦言灌錄這歌時，情緒作過大波動。

「其實這首歌的填詞者是位新人，當初唱片公司找這人負責歌詞時，計劃這歌是給洪欣唱，但在一次偶然機會下，經洪欣的介紹認識了這位填詞人，我看過歌詞後很喜歡，因為當中所寫的那份感情很有感覺，後來又知道歌詞中所講的感情，就是填詞人親身經歷過，所以令人容易感受得到。

「由於對這歌太喜歡，我向公司提出唱這歌的要求，在洪欣不反對之下，公司給我唱這歌的機會。

「相信是因為太受感動之故，當第一天走入錄音室開始唱這歌，我的心頭突然有很心酸的感覺，然後眼淚就如缺堤一般流下來，初時大家以為我哭一會兒便沒事，但我竟然哭到不能收聲，就連我自己也覺得奇怪。

「事實上，我的性格很怪，每個月總有幾天會情緒低落，但這次算是最厲害的一次。當時我的監製見狀，而又勸不了我，又與另一位同事唱歌逗我開心，又為我作心理輔導，大家由童年生活說起，這樣我的心情才放鬆了。

「至於說『鍾情她香氣』被指是同性戀歌，其實這是誤會，是負責校對的同事弄錯了，將『他』誤對成『她』，這可能是因為其中一句歌詞是『會否依然想起她香氣』，是說三角戀中，一個女孩不自覺地愛上一個男孩，但男孩又早有女朋友，故女孩子在想，自己與男孩一起時，男孩會否想起女朋友，這是女孩子一種患得患失的心情。

「不過，竟然因一個『她』字而全部弄錯了，就將三角苦戀的故事變成同性戀。而曾經看過歌詞的朋友，也有著同樣的疑問來問我，但我絕對不怕解釋。」


拍拖兩次

鄒靜自言是個悲觀主義者，在她心中任何在外表看來美好的事都不會長久，而太完美的事，也總會到最後令人傷心，所以她寧願一開始就不對任何事作美好的幻想。

「自小父母就告訴我，世界上沒有好男人，所以做女孩子一定要小心謹慎，亦因為如此，到今時今日，我仍然對拍拖不存太大的興趣。

「我曾經拍過兩次拖，第一次拍了差不多三個星期，第二次只數日，因為當開始之後，我會立即感覺到對方不會適合我，在長痛不如短痛下，我選擇了放棄。在感情上我自問是吝嗇，不肯投資時間，因為一段婚姻是一生一世的事，如果一開始就覺不適合，更加不應再繼續下去。

「我眼看父母就有過美好的婚姻生活，但經過十多年後愛情變成感情，再沒有火花，大家雖然同住一屋，但交流不到心底話，是很沒有意思，如果是我，會選擇離婚，然後開始另一種生活。

「早前我返回蘇州見祖父，他要求我為他辦兩件事，就是搵個男朋友及不要戒吃肉，但我沒辦法答應。因兩者都不能勉強，只好順其自然，而父親最近也問我有沒有對象人選，我反問他，不是說過世界上沒有好男人嗎？這話對我影響極深，父親聽後表示很後悔曾如此說過，但很多東西會種在心裡，經過長時間會根深蒂固，不是容易改變。」

－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－